TREPÇA - BASHKIMI
BOROZANI/ Arian Paçarizi
Trepça befason Bashkimin
16 December, 2017 @14:44
Skuadra mitrovicase, Trepça, arriti ta mposht Bashkimin me rezultat 77-73.
Trepça, e njoftoi kundërshtarin me humbje pas 5 ndeshjeve, derisa kjo ishte fitorja e tretë radhazi për skuadran e drejtuar nga trajneri Ilir Selmani.
Bashkimi e mbylli pjesën e parë me një epërsi të lehtë 42-40, por në pjesën e dytë, skuadra vendase arriti të këndellet dhe kështu e mposhti kundërshtarin.
Dyshja amerikane Julian Hyden dhe Mark Williams ishin më të dalluarit te “xehetarët”, Hyden luajti me 27 pikë, 7 kërcime e 4 asistime, derisa Williams me 19 pikë e 10 kërcime e mbylli ndeshjen me double-double.
Te Bashkimi, më i disponuari ishte Mikaile Tmusic me 26 pikë, i cili u ndihmua edhe nga Urim Zenelaj me 20 pikë e 10 kërcime.
Kjo ishte fitorja e pestë e Trepçës krahas 9 humbjeve që i kanë, derisa për Bashkimin kjo ishte humbja e 4 e stinorit.
