Vajzat e Bashkimit me rekord fitore, mbi 100-pikë koshdallim!

Skuadra e vajzave të Bashkimit ka arritur një fitore historike sot, që do të mbahet gjatë në mend, derisa kanë mposhtur ato të Kastriotit të Ferizajit me 102 pikë dallim, 11-113 [4-39, 2-24, 3-18 dhe 2-32].

Të drejtuara nga trajneri Esenci, basketbollistet e Bashkimit nuk kanë kalkuluar fare në këtë ndeshje edhe pse e nisën furishëm dhe u treguan të pamëshirshme ndaj atyre të ferizajit.

Dhe në fund, dallimi ishte rekord për këtë stinor, ku fitorja prej 102 pikë epërsi nuk është arritur ende në 2021/22.

TABELA AKTUALE E LIGËS SË FEMRAVE

Takyra Gilbert luajti me 20 pikë e 5 asistime te Bashkimi, ndërsa Era Shatri dha 15 pikë, 9 kërcime e 3 assitime.

Por, më efikasja ka qenë Besjana Martinaj që ka shënuar 26 pikë, bashkë me 5 asistime në këtë fitore të madhe.

Te Kastrioti që kreu ndeshjen me më së paku pikë të shënuara në një lojë këtë stinor, gati gjysmën e pikëve të skuadrës, pesë sosh i shënoi Zyrije Pireva. Numri i topave të humbur te ekipi i Kastriotit ka qenë 53!!!

Pas kësaj fitoreje Bashkimi bën bilansin 2-0 pas dy xhirove, ndërsa Kastrioti është në 0-2.