TREPÇA (F) - VËLLAZNIMI (F)
FOTO / KBF Vëllaznimi
Vazhdon forma e KBF Vëllaznimit, e katërta rresht
15 November, 2020 @14:51
Vashat e Vëllaznimit po vazhdojnë rrugëtimin pa humbje.
Viktima e radhës ishte Trepça, që Vëllaznimi e mposhti me 30 pikë epërsi, 43-73.
Vëllaznimi me domimin total nga fillimi e deri në fund e arriti fitoren e radhës.
Në skenë ishte përsëri dyshja amerikane e skuadrës gjakovare, Raven Baker dhe Sarah Mgbeike. Baker luajti me 29 pikë, 14 kërcime e 4 asistime, kurse Mgbeike me 27 pikë, 25 kërcime e 4 asistime.
Te Trepça u dalluan Sihana Ramoja me 16 pikë e 7 kërcime dhe Arta Mustafa me 13 pikë të tjera.
Vëllaznimi aktualisht me një ndeshje më shumë gjendet në krye të tabelës me 4 fitore e 0 humbje, kurse skuadra mitrovicase ka bilanc prej 1 fitoreve e 3 humbjeve deri më tani.
Në xhiron tjetër Vëllaznimi takohet me Bashkimin, kurse Trepça me Penzën.
