VUSHTRRIA - FERONIKELI
Vushtrria i kthehet fitores, humbja e parë për Niklin
15 November, 2020 @17:00
Pas humbjes ndaj Istogut, Vushtrria e mposhti në xhiron e tretë Feronikelin me rezultat 86-79.
Skuadra e Vushtrrisë ka triumfuar ndaj kundërshtarit në mënyrë ekipore. Pesë lojtarë luajtën me pikë dyshifrore, derisa prej tyre u dalluan Albion Imeri dhe Engjëll Ramaj.
Imeri shkëlqeu me 20 pikë, 12 kërcime e 6 asistime, kurse Ramaj me 22 pikë, 5 kërcime e 2 topa të rrëmbyer.
Te Feronikeli u veçuan Engjull Sollova me 28 pikë e 3 kërcime, Endrit Ibrahimi me 19 pikë e 7 kërcime dhe Valdet Shala me double-double prej 15 pikëve e 12 kërcimeve.
Vushtrria e regjistroi fitoren e dytë në tri ndeshje të zhvilluara, kurse për Niklin ishte humbja e parë në dy ndeshjet e zhvilluara.
Në xhiron e katërt, Vushtrria takohet me AS Prishtinën, derisa Feronikelin me Marigona Hill Prishtinën.
