Wawrinka befason Djokovicin në finale

Tenisti zviceran, Stanislas Wawrinka, ka arritur të mposht numrin një të botës në tenis, Novak Djokovic, për të fituar turneun e Roland Garrosit në Francë sot. 

Djokovic fitoi setin e parë, mirëpo Wawrinka u rikthye për të fituar tre setet me radhë dhe për të festuar trofeun e dytë të tij të Grand Slamit në karrierë. 

“Kam zhvilluar ndeshjen e jetës. Vështirë është të besohet. Të luash kundër Novakut është njëra ndër sfidat më të mëdha. E dija sa shumë e donte fitoren në këtë turne,” ka thënë zvicerani pas triumfit sot. 

Wawrinka në karrierë para kësaj ka të fituar Australian Openin në 2014.