TDF2018
Alaphilippe fiton etapën kontraverse
24 July, 2018 @20:57
Gati 30km pas fillimit të etapës së gjashtëmbëdhjetë të Tour de France nga Carcassonne, në tentim për të zmbrapsur protestat e fermerëve lokal, forcat e rendit aksidentalisht kishin spërkatur me gaz lotsjellës edhe disa nga çiklistët. Kjo kishte ardhur më shumë si pasojë e erës, dhe jo kontaktit direkt.
Në zbritjen pas Col de Mente, Philippe Gilbert nuk kishte arritur të mbante kontrollin, duke rënë jashtë shtegut, gjersa ndiqte udhëheqësit e garës. Aksident pësoi edhe Adam Yates i cili edhe humbi pozitën e parë pas rrëzimit, duke përfunduar vetëm i treti, 15 sekonda pas Julian Alaphilippe. Francezi shënoi fitoren e dytë në këtë edicion dhe me 30 pikë, shtoi distancën në krye të renditjes së ngjitësve ndaj Warren Barguil për 49 pikë.
Në renditjen e përgjithshme nuk ka ndryshuar asgjë pas kësaj etape 218 kilometra të gjatë. Thomas ende udhëheq para Froome dhe Dumoulin.
Nesër në program është etapa më e shkurtër e këtij edicioni, 65km ndërmjet Bargners-de-Luchon dhe Saint-Lary-Soulan. Janë dy ngjitje të klasës së parë, dhe ngjitja e famshme e klasës së lartë HC në Col du Portet.
