Bulls befason liderin e Lindjes

Chicago Bulls, e vërtetoi se renditja tabelare në Play Off nuk ka rëndësi.

Bostoni i cili e përfundoi stinorin e rregullt në maje të Lindjes, pësoi humbje me rezultat 106-102 nga Chicago Bulls, që e kishte fituar në ndeshjet e fundit të drejtën e Play Offit.

Jimmy Butler ishte më i miri te “demat” me 30 pikë e 9 kërcime.

Ndërsa në anën tjetër, edhepse është tronditur me vdekjen e motrës dy ditë më parë, Isaiah Thomas, me sy të përlotur luajti 38 minuta te Bostoni dhe ishte koshashënuesi më i mirë me 33 pikë, 6 asistime, 5 kërcime, por nuk mjaftoi për fitore.

SKEMA E PLAY OFFIT

Chicago me këtë fitore, kaloi 1-0 në epërsi në seri, derisa ndeshja e radhës do të luhet përsëri në “TD Garden” me 18 prill.