Çereku i tretë vendimtar, Borea mposht Kerasanin

Me fitoren e pejanëve është mbyllur takimi i zhvilluar sonte mes Kerasanit dhe Boreas në kryeqytet.

Ndeshja ishte mjaft e fortë, me të dyja skuadrat që e kërkonin doemosdoshmërisht fitoren, mirëpo më të vendosur u treguan pejanët, të cilët në fund triumfuan me rezultat 88-97.

Pjesa e parë ishte totalisht e barabartë dhe u mbyll me rezultat 44-44, ndërsa ishte çereku i tretë ai në të cilin mysafirët e bënë diferencën, duke shënuar 11 pikë më shumë se vendasit dhe duke krijuar kështu epërsi solide, e cila u ruajt deri në fund.

TABELA AKTUALE SUPERLIGA

Më të dalluarit te Kerasani sonte ishin Kreshnik Muçolli me 18 pikë, 2 kërcime e 3 asistime dhe Arbnor Haliti me 16 pikë, 5 kërcime e 3 asistime, derisa te Borea u veçuan Blend Matoshi me 24 pikë, 8 kërcime e 4 asistime dhe Charles Carter, i cili ishte shumë afër triple-double, me 17 pikë, 9 kërcime e 12 asistime.

Pas 18 xhirove, tashmë të dyja këto skuadra kanë bilanc identik dhe pikë të barabarta.