PARA DERBIT
BOROZANI/ Arkiv
Rugova: Optimist për fitore
3 February, 2018 @0:31
Njëri ndër basketbollistët më të mirë në histori të Sigal Prishtinës, Granit Rugova, në një bisedë me Borozani.com, ka thënë se janë optimist për fitore në ndeshjen kundër Trepçës, që do të zhvillohet sot në ora 19:00 në palestrën “Minatori”.
“Presim nesër një lojë shumë të fortë, dy ekipet do të japin maksimumin që të fitojnë, besoj që atmosfera do të jetë shumë e mirë në palestër”, ka thënë Graniti.
Rugova në fund shtoi se janë përgatitur mirë për derbin.
“Kemi ushtruar mirë këto ditë edhe besoj që secili nga lojtarët do ta kryejnë punën e tij në parket”.
Sigal Prishtina është e pa mposhtur në Superligë, pas 17 xhirove të zhvilluara deri më tani.
