Nënkampioni turpëron kampionin

25 pikë dallim në fund të ndeshjes, kanë bërë që kampioni aktual i Euroligës, Fenerbahçe, të dalë e turpëruar nga Peace & Friendship Stadium e Athinës sonte, pasi që Olympiacos i demoloi në fitoren, që barazoi bilancin dhe i mundësoi ekipit grek të kap vendin e dytë në klasifikim.

Me 34-18 përfundoi çereku i parë, ndërsa i treti dhe i katërti me nga tetë pikë epërsi për vendasit që fituan shumë më lehtë sesa që pritën këtë ndeshje.

TABELA AKTUALE E EUROLIGËS

Vassilis Spanoulis dhe Janis Strelnieks me nga 19 pikë ishin më efikasit te Olympiacosi. Ujku i vjetër, Spanoulis, shutoi 3/3 për tre pikë, ndërsa Strelnieks, 4/4! Mangu nuk u mbeti as Georgios Printezis sonte, që shutoi 2/2 për tre pikë, për të përfunduar ndeshjen me 12 pikë në total.

Drita e vetme e Fenerit sonte ka qenë Ali Muhammed. Ky ka qenë basketbollisti i vetëm që ka arritur të shënojë pikë dyshifrore te ekipi nga Stambolli, duke shënuar 24 sosh, prej të cilave 6 treshe nga 11 tentime.

Pas këtij dueli Olympiacos renditet i dyti në klasifikim me bilanc 14-7, sa ka edhe Fenerbahçeja në të tretin.