Sergio Llull mbetet në Madrid

Njëri ndër basketbollistët më me përvojë të Real Madridit, Sergio Llull, ka vazhduar marrëveshjen me ekipin aktual.

Madrilenët para pak castesh kanë bërë të ditur se kanë arritur akord me lojtarin për të vazhduar kontratën edhe për dy stinorë tjerë, duke nënshkruar deri më 30 qershor të vitit 2024.

Llull 34-vjeçar në Liga Endesa ka pasur mesatare prej 9.2 pikëve, 1.4 kërcimeve dhe 2.4 asistimeve për ndeshje gjatë stinorit të kaluar.

Ndërsa në Euroligë, ai ka luajtur me mesatare prej 8.8 pikëve, 2.8 asistimeve dhe 1.7 kërcimeve për ndeshje gjatë edicionit 21/22.