Dy skuadrat më të rrezikuara takohen në kryeqytet

Ndeshja hapëse e xhiros së XVIII të Superligës zhvillohet sonte me fillim nga ora 17:00 mes Kerasan Prishtinës dhe Boreas nga Peja.

Kerasani në këtë duel vjen pas humbjes nga Sigal Prishtina xhiron e shkuar, derisa Borea futet e super-motivuar pas fitores në derbin lokal ndaj Pejës.

TABELA AKTUALE SUPERLIGA

Interesant është fakti që në secilën prej dy ndeshjeve të luajtura mes dy skuadrave në pjesën e parë të sezonit, fitorja i kishte takuar skuadrës mysafire; Borea kishte fituar në Prishtinë, derisa Kerasani kishte fituar në Pejë.

Sa i përket renditjes, këto skuadra ndodhen në fund të tabelës momentalisht dhe po luftojnë mes vete për ta arritur të paktën vendin e parafundit që dërgon në barazh apo edhe për të dalë plotësisht nga zona e rrezikshme.