Distria heroike! E artë në Tokio!

Distria Krasniqi heroike. Ka mposhtur japonezen Tonaki në finale për t’ia sjellë Kosovës medaljen e dytë të artë në histori të vendit dhe të parën në Tokio 2020.

Me një duel të matur, shpehsherë në pah vinte edhe lodhja, Distria ka shfrytëzuar njërën nga sekondat e minutës së fundit të duelit 240 sekondësh për të siguruar të artën me një pikë të fituar, kur e hodhi japonezen Funa Tonaki me të djathtën poshtë, që ra në krah dhe e mbajti aty për të siguruar pikën, wazaari.

Hedhja e fundit e Tonakit drejt Distrisë ishte e shpejtë dhe e kërcënueshme, por nxënësja e shkëlqyeshme e Driton Kukës është mbrojtur thjesht e bukur për të shuar shpresat e japonezes në sekondat e fundit të duelit për të fituar të artën olimpike.

Me këtë, Kosova ka fituar medaljen e parë të artë në Olimpiadën e Tokios. Distria Krasniqi ka arritur suksesin më të madh në karrierë. Ndërsa për Driton Kukën kjo është hera e dytë që një nxënëse e tij merr të artën, pas Majlinda Kelmendit në Rio 2016.

Saiu o primeiro ouro do judô! E a medalha vai para Kosovo. Distria Krasniqi faz história em Tóquio! #OlimpiadasNoSporTV pic.twitter.com/iKzRV0MlCA

— SporTV (@SporTV) July 24, 2021