NË PRITJE
noc-kosovo.org
Ditë të mira para shpresave olimpike
30 October, 2014 @22:20
Ditë të mira i presin sportistët kosovarë. Ata që mirren me sport, por edhe më shumë ata që do t’ia nisin tash e tutje të mirren me sport. Posaçërisht ato olimpike.
Nëse në dhjetor në mbledhjen e radhës të Komitetit Olimpik Ndërkombëtar, IOC, Kosova pranohet me të drejta të plota në gjirin olimpik, sportistët kosovarë do të mund të përfitojnë bursa nga IOC.
Vlera materiale minimale është 521 euro, derisa më e larta, 783 euro në muaj.
Xhudistët, atletët, shenjëtarët, boksierët, shigjetarët, taekwandoistët, mundësit dhe notarët - mund të jenë më të përkëdhelurit në këtë rast, derisa deri në dhjetë sportistë nga Kosova do të mund të përfitojnë këtë bursë, ka njoftuar sot kreu i Komitetit Olimpik të Kosovës, Besim Hasani, duke folur për të përditshmen Koha Ditore.
“Kjo varet nga suksesi i sportistëve. Majlinda Kelmendi nuk diskutohet në këtë, pasi që është e para e botës, ajo sigurisht merr bursë. Mirëpo, edhe Nora Gjakova, Akil Gjakova e Distria Krasniqi në xhudo, pastaj Vijona Kryeziu e Musa Hajdari në atletikë, Urata Rama e Lumturie Rama në shenjëtari. Armend Xhoxhaj në boks dhe Lum Zhaveli në not,” janë emrat që do të mund të përfitojnë këto mjete materiale ka thënë Hasani.
Edhe Kosova ka nisur të ndajë bursa olimpike për shpresat olimpike. Dhjetë sportistë marrin nga 150 euro në muaj.
