OLIMPIADA DIMËRORE - PYEONGCHANG 2018
E arta e dytë për Nuis
23 February, 2018 @17:32
Holandezi Kjeld Nuis siguroi medaljen e dytë të artë në Olimpiadën e PyeongChangut pas triumfit në garën 1000m në patinazh të shpejtë.
Derisa në garën 1500m pas kishte lënë bashkëkombësin Patrick Roest, në 1km pas Nuis u rendit Havard Lorentzen. Norvegjezi në këtë Olimpiadë kishte fituar garën në 500m, derisa sot nga titulli e ndan vetëm 0.04 sekonda vonesë ndaj kohës së Nuis prej 1:07.95.
E bronzta i takoi koreanit Tae-Yun Kim i cili pati 0.27 sekonda vonesë ndaj holandezit.
Garat në patinazh të shpejtë mbyllen nesër me startin masiv në të dyja konkurrencat. Garat nisin në ora 12:00, me finalet në ora 13:30 dhe 14.
