XHUDO
Edhe në xhudo e artë për SHBA-të
11 August, 2016 @23:32
Në kategorinë deri 78kg për femra, amerikania Kayla Harrison ka fituar titullin e parë për SHBA-të në këtë olimpiadë në sportin e xhudos. Ajo në finale ishte më e mirë se francezja Audrey Tcheumeo.
Anamari Velensek dhe Mayra Aguiar u kujdesen që Sllovenia dhe Brazili të marrin medaljet e bronzta në këtë disiplinë, duke shtuar nga një titull që kishin siguruar ditë më parë.
Tek meshkujt, në kategorinë deri në 100kg, çeku Lukas Krpalek ishte më i mirë se Elmar Gasimov nga Azerbajxhani. Ai fitoi finalen me ippon.
Ryunosuke Haga nga Japonia dhe Cyrille Maret nga Franca morën të bronztat.
Garat e xhudos përfundojnë nesër me kategoritë e rënda në të dy gjinitë. Kosova renditet e shtata në tabelën e vendeve me medalje në xhudo falë të artës së Majlinda Kelmendit.