NOT
Lumi përfundon i 57-ti nga 85 garues
11 August, 2016 @18:47
Notuesi kosovar, Lum Zhaveli, ka përfunduar garën e tij në stilin 50m në stil të lirë në Lojërat Olimpike të Rios sot.
Lumi ka përfunduar 50m të tija për kohën 24.53 sekonda dhe për tu renditur i 57-ti në klasifikimin e përgjithshëm në këtë disciplinë të notit.
Numri total i garuesve ka qenë 85, ndërsa Lumi ka mbetur për 3.04 sekonda nga ukrainasi, Andrii Govorov, që ka qenë më i shpejti në kualifikime duke i përfunduar këto 50m për 21.49 sekonda.
Në 16-shen finale që do të luftojnë për medalje në LO të Rios nuk ka arritur të futet as notuesi shqiptar, Sidni Hoxha.
Hoxha ka përfunduar në total në pozitën 41 garën, ku 50m e ka notuar për 22.80 sekonda, duke qenë 1.31 sekonda pas liderit të kualifikimeve.
