Federer pa probleme në gjysmëfinale

Pa shumë probleme, Roger Federer ka arritur të kalojë në gjysmëfinale të Australian Open.

Teniseri zvicran e mposhti 3-0 në sete çekun Berdych, për ta arritur kështu gjysmëfinalen e 14 të Australian Open në karrierë.

Në çerekfinalen tjetër të ditës, koreani Chung vazhdoi paraqitjet e mira dhe e eliminoi amerikanin Sandgren 3-0 në sete, për t’u bërë kështu koreani i parë në histori që arrin në gjysmëfinale të një Grand Slam-i.

Gjysmëfinalja e parë zhvillohet nesër mes kroatit Cilic dhe britanikut Edmund, derisa Federer e Chung ndeshen mes vete në gjysmëfinalen tjetër ditën e premte.