Gati gjysma e ekipeve për Eurobasket 2025, dihen

Pas ndeshjeve të nëntorit, tashmë dihen 11 pjesëmarrësit e parë të Eurobasket 2025, duke llogaritur këtu edhe shtetet nikoqire të ngjarjes më të madhe të basketbollit shtetëror në Evropë.

FIBA Europe ka bërë të ditur se tash kanë mbetur që në ndeshjet e shkurtit të sigurohen edhe të kualifikuarit tjerë për evropianin e radhës në basketboll.

Si nikoqire në Eurobasket 2025 janë kualifikuar Qiproja, Finlanda, Letonia e Polonia, ndërkaq pas dueleve të nëntorit biletën për Eurobasket e siguruan edhe: Izraeli, Sllovenia, Italia, Turqia, Spanja, Serbia dhe Lituania. 

Eurobasket 2025 fillon më 27 gusht dhe mbaron më 14 shtator të vitit 2025. Nikoqirë janë qytetet: Limassol, Katowice, Riga dhe Tampere.

Gjatë ndeshjeve kualifikuese të shkurtit 2025 në garë për tu kualifikuar janë edhe:

nga Grupi A: Portugalia, Ukraina;
nga Grupi B: Hungaria, Islanda;
nga Grupi C: Belgjika, Sllovakia;
nga Grupi D: Bullgaria, Gjermania, Mali i Zi dhe Suedia;
nga Grupi E: Bosnja e Hercegovia, Kroacia, Franca;
nga Grupi F: Çekia, Britania e Madhe, Greqia dhe Holanda;
nga Grupi G: Danimarka, Gjeorgjia;
nga Grupi H: Estonia, Maqedonia Veriore.

Pra, për 13 vendet e mbetura që do të sigurojnë biletën për Eurobasket 2025, në garë janë edhe 21 shtete.