OLIMPIADA DIMËRORE - PYEONGCHANG 2018
Gjermanët të artë në çifte
15 February, 2018 @11:23
Ukrainasja Aljona Savchenko dhe francezi Bruno Massot, me paraqitjen e mahnitshme të denjë për rekord të ri olimpik në programin e lirë, morën 159.31 pikë.
Paraqitja e pagabueshme ngjiti çiftin gjerman në 235.90 pikë në total, duke shkrirë disavantazhin prej 6 pikëve ndaj kampionëve aktual botëror, çiftit kinez Wenjing Sui dhe Cong Han. Në fund, kinezët mbetën në 235.47 pikë, duke humbur të artën për vetëm 0.43 pikë!
Çifti rus, Tarasova dhe Morozov pas pozitës së dytë në programin e shkurtër, përfunduan të katërtit me një paraqitje të tmerrshme në programin e lirë. Kjo pos gjermanëve, në medalje ngjiti edhe çiftin kanadez Meagan Duhamel & Eric Radford. Në garën e tyre të fundit olimpike, ata arritën në total 230.15 pikë.
Garat në patinazh artistik vazhdojnë sonte në ora 2 me programin e shkurtër të meshkujve.
