KBF KASTRIOTI - KBF BASHKIMI
Grbavcevic debuton me fitore, Daci me triple-double
26 March, 2021 @13:23
Trajneri i ri i KBF Bashkimit, Zdenko Grbavcevic, ka debutuar me fitore në Ligën e Femrave.
KBF Bashkimi e deklasoi KBF Kastriotin me rezultat 58-108.
Nga minuta e parë e deri në fund të ndeshjes, skuadra prizrenase e dominoi ndeshjen dhe arriti fitoren e radhës.
Saranda Daci shkëlqeu me triple-double prej 20 pikëve, 19 kërcimeve e 12 asistimeve, derisa u ndihmua edhe nga Jeta Zeka me 23 pikë e 11 kërcime dhe Sara Vraniqi me 23 pikë, 6 asistime e 5 kërcime.
Te Kastrioti u dalluan Agnesa Rrahmani me 21 pikë dhe Andrea Iavarone me 18 pikë e 14 kërcime.
Bashkimi gjendet në krye të tabelës me 17 fitore e 2 humbje, kurse Kastrioti ka bilanc prej 3 fitoreve e 16 humbjeve.
Në xhiron e fundit të stinorit të rregullt në Ligën e Femrave, KBF Bashkimi takohet me KBF Vëllaznimin, derisa KBF Kastrioti me KBF Prishtinën.
