MVP I XHIROS VII
Justin Davis (Peja) - MVP (7)
6 November, 2023 @14:45
Basketbollisti i Pejës, Justin Davis, është përzgjedhur MVP i xhiros së shtatë të Superligës, pas performancës së treguar mbrëmë, ku ekipi i tij mposhti Bashkimin në “Karagaç”.
Kjo është hera e tretë këtë stinor që Davis bëhet MVP i xhiros në Superligë dhe lojtari i parë këtë edicion të garave kampionale që e arrin këtë sukses.
“Peja ka vazhduar me fitore, kësaj radhe ndaj Bashkimit. Sërish më i dalluari ishte Justin Davis me dyshifror të dyfishtë, me 28 pikë, 11 kërcime e gjashtë asistime, duke pasur indeksin 38 apo më të lartin e kësaj xhiro,” ka shkruar FBK-ja në njoftim për MVP-në e xhiros.
