BUCKS - NETS
Kampioni fillon me fitore në NBA, triumfon kundër Nets
20 October, 2021 @8:52
Kampioni aktual i NBA-së, Milwaukee Bucks, e hapi stinorin 2021/22 me fitore kundër Brooklyn Nets, duke e mposhtur kundërshtarin me rezultat 127-104.
Skuadra e Bucksit në fillim të ndeshjes me ceremoni i morri unazat e kampionit, që e motivoi më shumë për fitore.
Milwaukee në këtë ndeshje vetëm një herë e lëshoi epërsinë më pas e dominoi ndeshjen kundër Brooklyn Nets.
Më i dalluari te Bucks ishte Giannis Antetokounmpo me 32 pikë, 14 kërcime e 7 asistime, derisa u ndihmua edhe nga Khris Middleton dhe Pat Connaughton me nga 20 pikë secili.
Te Nets u veçuan Kevin Durant me 32 pikë e 11 kërcime, Patty Mills me 21 pikë dhe James Harden me 20 pikë, 8 kërcime e 8 asistime.
