Mikaile Tmusic MVP i Superkupës

Basketbollisti i KB Yllit, Mikaile Tmusic, është zgjedhur lojtari më i rëndësishëm i turneut të Superkupës Mbarëkombëtare, zyrtarisht.

Lojtari që luan në pozitat një dhe dy ka qenë standard në të dyja paraqitjet e Yllit përgjatë turneut, edhe kur mposhtën Teutën por edhe Prishtinën në finale.

Ndaj Teutës Tmusic luajti me 20 pikë, 7 asistime e 6 kërcime. Ndërsa në finale ndaj Prishtinës, ai ishte koshashënuesi më i mirë i ekipit me 18 pikë duke shtuar edhe 1 asistim e 3 kërcime në proces, bashkë me 2 topa të rrëmbyer.

Reprezentuesit të Kosovës çmimin si lojtar më i mirë i turneut të Superkupës ia dha drejtori i Ligës Unike, Dren Zatriqi.