Prishtina sonte mysafire në Shkup

Basketbollistët e Prishtinës të drejtuar nga kroati Ante Nazor do të kërkojnë fitoren e parë në BIBL ndaj kundërshtarit nga Shkupi, TFT.

Bardhekaltërit në ndeshjen e parë të sezonit në BIBL u mposhtën nga ekipi bullgar, Akademik Plovdiv, ndërsa sonte do të tentojnë të fitojnë shkupjanët, për të arritur fitoren e parë në Grupin B të Ligës Ballkanike, së cilës i janë kthyer pas disa viteve mungesë.

Ndeshja nis në ora 19:00 dhe do të jetë direkt edhe në kanalin e Youtube të BIBL. Ndërsa referë të ndeshjes do të jenë: Pavlov, Poursanidis dhe Evfraimidis.

Për ekipin TFT kjo do të jetë ndeshja e parë e stinorit në këtë ligë. Lider i Grupit B në BIBL është Akademiku, që ka shënuar dy fitore nga dy ndeshjet e para të stinorit.

Pos të përmendurve, Prishtina si kundërshtar në grup ka edhe Beroe (BUL), Ironi Nahariya (IZR) dhe Ibar (MNE).