KRYEQYTETASIT ARRIJNË FITOREN E PARË SEZONALE
Kerasan Prishtina arrin fitoren e parë
14 October, 2023 @0:01
Skuadra e Kerasan Prishtinës ka arritur fitoren e parë të stinorit sonte, duke e mposhtur Gjakovën e Re si mysafir në ndeshjen e zhvilluar në “Shani Nushi”. Ekipi nga kryeqyteti fitoi duelin me 14 pikë dallim, duke triumfuar 75-89.
Gjakova e Re ende s’ka shënuar fitore në Ligë të Parë, ndërsa me nga 17 pikë më efikasit kanë qenë sonte te ata Dardan Brovina dhe Bleonis Tanushi. Te ekipi fitues, Eris Zeneli u dallua me 22 pikë, ndërsa Shpat Mustafa dha 17 të tjera, e Ergin Grosha shënoi 13 pikë. Pas këtij dueli Gjakova e Re ka bilanc 0-2, ndërsa Kerasani 1-2.
