Kosova drejt “Slovenia 2018”, përcaktohen grupet

Vazhdon zhvillimi gjithnjë e më i madh i sportit të futsallit në Kosovë.

Pas sukseseve të njëpasnjëshme të Feniksit në arenën ndërkombëtare, lajm i mirë vjen edhe për përfaqësuesen e Kosovës në futsall.

Për herë të parë, Kosova do të jetë pjesë e eliminatoreve për Europianin e Futsallit “Slloveni 2018”. Lajm u bë i ditur sot nga faqja zyrtare e UEFA-së, ndërsa Kosova fillimisht do të jetë pjesë e një raundi pre-eliminar. Nëse kalohet ky raund, Kosova do të jetë në grupet eliminatore që dërgojnë në Europian.

Në raundin paraeliminar, Kosova do të jetë në Grupin E bashkë me Norvegjinë, Danimarkën dhe Qipron.

Raundi pre-eliminar zhvillohet ndërmjet datat 23 janar dhe 1 shkurt 2017, ndërsa nëse kalohet ky raund, Kosova në grupet eliminatore do të luajë në datat 3-12 prill 2017.

Përveç Kosovës, debutuese në këto eliminatore është edhe Gjermania.