EURO U 18 / DIV C
Maltezi Cassar, MVP i europianit U18
10 July, 2017 @5:45
Pasi që dërgoi ekipin e tij drejt medaljes së bronztë në Europianin U18 të Divizionit C, maltezi Kurt Cassar, me plotë meritë ka marrë edhe çmimin MVP të kësaj gare si dhe ka zënë vend në 5-shen më të mirë të Europianit.
Cassar 206 centimetra i gjatë ka shënuar double-double shkatërrimtar në duelin për medaljen e bronztë ndaj Molldavisë, duke shënuar 31 pikë, 20 kërcime e 5 bllokada, ashtu që Malta të mposht Molldavinë 68-61.
I njejti ka qenë lojtari më dominues në Europianin U18 të Divizionit C. Ai ka pasur mesatare prej 28.8 pikëve, 23.6 kërcimeve dhe 3.6 bllokada për ndeshje - derisa indeksin e efiçencës e ka pasur mesatarisht 41.6!!!
Europiani U18 i Divizionit C i takoi Norvegjisë, që me fitore ndaj Qipros në finale fitoi trofeun dhe medaljet e arta. Malta e Cassarit përfundoi e treta, ndërsa Kosova përfundoi e pesta në këtë garë.
Asnjë basketbollist i Kosovës nuk u përfshi në 5-shen më të mirë të turneut.
