GJIMNASTIKË
Max Whitlock shkruan historinë
14 August, 2016 @22:16
Max Whitlock ka hyrë në historinë e sportit britanik sot duke u bërë britaniku i parë që ka fituar të artë në sportin e gjimnastikës.
Së pari ai fitoi të artën në dysheme duke lënë mbrapa dy brazilianët, Diego Hypolito dhe Arthur Mariano. Ndërkohë e arta e dytë erdhi në kali me duar. Aty Whitlock përfundoi mbi bashkëkombësin Louis Smith i cili mori të argjendtën. E bronzta shkoi për amerikanin Alexander Naddour.
Megjithatë SHBA-të nuk mbetën pa medalje. Simone Biles mori të artën e tretë në këto lojëra në disiplinën e kalit. Ajo përfundoi larg para ruses Maria Paseka dhe zviceranes Giulia Steingruber.
E në paralele asimetrike e arta shkoi tek rusja Aliya Mustafina. Madison Kocian nga SHBA-të mori të argjendtën, derisa e bronzta i takoi gjermanes Sophie Scheder.
