DRITA - MEGASPORTS
Me 3 fitore rresht, Drita ngritet në krye të tabelës
17 November, 2020 @17:31
Forma e mirë e Dritës ka vazhduar edhe në ndeshjen hapëse të xhiros 4 në kuadër të Ligës së Parë në Basketboll.
Skuadra gjilanase e mposhti Megasportsin me rezultat 90-76.
Si zakonisht, edhe në këtë ndeshje më i dalluari ishte kapiteni Qëndrim Demi. Ai luajti me 25 pikë, 13 asistime e 5 kërcime.
Te Megasportsi u dallua Ensar Muriqi me 22 pikë, 11 kërcime e 3 asistime.
Drita me një ndeshje më shumë, me 3 fitore e 1 humbje gjendet në krye të tabelës, kurse Megasportsi pas fitores në xhiron e parë, i regjistroi 3 humbje rresht.
Në xhiron tjetër Drita takohet me Marigona Hill Prishtinën, derisa Megasportsi me Prishtinën e Re.
