FERONIKELI - MH PRISHTINA
MH Prishtina njoftohet me fitore
5 November, 2021 @22:48
Marigona Hill Prishtina, duke e mposhtur Feronikelin me rezultat 70-115, është njoftuar me fitore në xhiron e katërt në Ligën e Parë.
Djelmoshat e trajnerit Dritëro Sefaja, në çerekun e parë shënuan 41 pikë dhe e ruajtën epërsinë deri në fund të ndeshjes.
Eliot Peci ishte më i miri me 24 pikë, 7 asistime e 5 topa të rrëmbyer, derisa u dalluann edhe Diart Gashi me 19 pikë e Rinol Gashi me 17 pikë të tjera.
Te Feronikeli Kreshnik Tigani luajti me 19 pikë, Bujan Hasku me 16 pikë dhe double-double prej 11 pikëve e 12 kërcimeve Butrint Gashi.
Kjo ishte fitorja e parë e MH Prishtinës pas 3 humbjeve rresht, kurse Nikli është ende pa fitore.
Në xhiron e pestë MH Prishtina takohet më Dardanët, derisa Feronikeli me Vushtrrinë.
