BOREA - ISTOGU
Istogu fiton edhe Borean, ende pa humbje
5 November, 2021 @22:29
Një ndeshje interesante në kuadër të Ligës së Parë, është zhvilluar sot në Karagaç në mes të Boreas dhe Istogut.
Istogu e mposhti kundërshtarin me rezultat 62-66 dhe e vazhdoi serin e fitoreve pa humbje.
Rezultati ishte i ngushtë gjatë tërë ndeshjes, por Istogu në fund ishte skuadra që gaboi më pak dhe arriti fitoren.
Në mungesë të kapitenit, Diamant Shabani, më i dalluari te Istogu ishte Labinot Kelmendi me 27 pikë e 3 kërcime, kurse shkëlqeu edhe Nderim Januzaj me double-double prej 10 pikëve e 26 kërcimeve.
Edhe te Borea mungoi lojtari kyç i skuadrës Albin Berisha, derisa u veçua Denis Rabushaj me 15 pikë e 13 kërcime.
Istogu së bashku me Vëllaznimin janë dy skuadrat pa humbje pas 4 xhirove, kurse Borea ka bilanc prej 2 fitoreve e 2 humbjeve.
Në xhiron tjetër Istogu e pret AS Prishtinën, derisa Borea takohet me Vëllaznimin lider.
