Miami afër kualifikimit, Bucks afër deklasimit

Miami Heat është një fitore larg kualifikimit në finale të Konferencës Lindore.

Heat e mposhti Bucksin edhe në ndeshjen e tretë me rezultat 115-100.

Milwaukee Bucks në 3 çerekët e parë ishte në epërsi, por në çerekun e fundit Miami duke pësuar vetëm 13 pikë dhe duke i shënuar 40 pikë, arriti fitoren e tretë në këtë seri.

Jimmy Butler përsëri ishte në skenë. Ai luajti me 30 pikë, 7 kërcime e 6 asistime. U dallua me double-double edhe Bam Adebayo prej 20 pikëve e 16 kërcimeve te Miami.

Në anën tjetër te Bucksi më të mirët ishin Brook Lopez me 22 pikë e 6 kërcime dhe Giannis Antetokonmpo me 21 pikë, 16 kërcime e 9 asistime.

Miamit i nevojitet vetëm edhe 1 fitore për t’u kualifikuar në finale të Konferencës Lindore. Ndeshja e katërt e serisë do të luhet më 6 shtator.