Ndalet Holanda

U nevojit një holandez, tani përfaqësues i Kanadasë, t’i jap fund dominimit holandez në patinazh të shpejtë në këtë Olimpiadë.

Ted-Jan Bloemen, rekordit të tij botëror i shtoi rekordin olimpik në kohë prej 12.39.77 minuta sa iu nevojitën për të kaluar 10.000 metër distancë.

Megjithatë Holanda nuk mbeti pa u përfaqësuar në podium. Jorrit Bergsma përkundër thyerjes së rekordit olimpik për më shumë se tre sekonda nga koha që kishte vendosur në Sochi, nuk arriti të kaloj Bloemenin, i cili në fund ishte 2.21 sekonda para tij.

Medalja e bronztë i takoi italianit Nicola Tumolero i cili mbeti 14.55 sekonda mbrapa kanadezit.

Garat në patinazh të shpejtë vazhdojnë nesër në ora 12:00 me garën 5000m për femrat.