Nënshkroi dhe u pensionua

Ish-legjenda e Boston Celticsit, Paul Pierce, për t’u pensionuar te skuadra e zemrës, ka nënshkruar kontratë një ditore sa për formalitet.

Pierce në lidhje me pensionimin u shpreh:

“Ndihem krenar që ma dhanë mundësinë të jem pjesë e Bostonit, nuk mund të imagjinoja ta përfundoj karrierën në një mënyrë tjetër, do të mbetem përgjithmonë si një kelt”.

Karriera e Paul Pierce, filloi në vitin 1998, ndërsa deri në vitin 2013 ka veshur fanellën e Bostonit, më pas u shkëmbye te Brooklyn Netsi, pastaj kaloi te Washington Wizardsi, derisa prej vitit 2015 deri në vitin 2017 ishte pjesë e Los Angeles Clippersit.

39 vjeçari Pierce, në vitin 2008 u shpall kampion me Bostonin dhe u zgjedh MVP i finaleve, kurse gjatë karrierës së tij ai lujti me mesatare prej 19.7 pikëve, 5.6 kërcimeve dhe 3.5 asistimeve për ndeshje.