FERONIKELI - MEGASPORTS
Nikli me fitore, Megasports me humbje të parë
10 November, 2020 @21:32
Feronikeli ka regjistruar fitoren e parë të sezonit 2020/21, duke e mposhtur Megasportsin me rezultat 87-72.
Ndeshja në kuadër të xhiros së parë në mes të Istogut dhe Feronikelit ishte shtyrë, derisa ndeshja e parë e Niklit për këtë sezon përfundoi me fitore.
Më i miri te skuadra e trajnerit Blerim Krasniqi ishte Endrit Ibrahimi me 23 pikë, 5 kërcime e 3 asistime, kurse u ndihmua edhe nga Engjull Sollova me 18 pikë, Haris Arghandiwal me 14 pikë dhe Valdet Shala me 12 pikë e 17 kërcime.
Te Megasportsi u veçuan Ensar Muriqi me 18 pikë e 5 kërcime, Edison Krasniqi me 17 pikë e 17 kërcime dhe Gazmend Hazeri me 16 pikë të tjera.
Feronikeli në xhiron tjetër do të takohet me Vushtrrinë, kurse Megasports me Marigona Hill Prishtinën.
