Nole i pamëshirshëm, deklason Nadalin dhe fiton Australian Open

Një finale aspak interesante dhe atraktive ishte kjo e sotmja mes Novak Djokovicit dhe Rafael Nadalit.

Që nga fillimi e deri në fund, Nole dominoi totalisht dhe nuk e vuri për asnjë moment fitoren në dyshim, duke e mposhtur kështu bindshëm spanjollin Rafa Nadal dhe duke arritur ta fitojë Grand Slamin e Australian Open.

Seti i parë u mbyll 6-2, i dyti 6-4, ndërsa në të tretin Nole fitoi 6-3, për ta përmbyllur kështu një përformancë pothuajse perfekte në çdo aspekt.

Sa i përket Australian Open të këtij viti, Djokovic arriti ta fitojë komplet garën me vetëm dy sete te humbura nga të gjitha ndeshjet, një statistikë kjo impresionuese. [3-0 vs. Lucas Pouille, në gjysëmfinale], [2-0 vs Kei Nishikori në çerekfinale, japonezi u dorëzua], [3-1 vs. Daniil Medvedev në të tetën e finales], [3-1 vs. Denis Shapovalov në raundin III], [3-0 vs. Jo-Wilfried Tsonga në raundin II] dhe [3-0 vs. Mitchell Krueger në raundin I].

Në 7 finalet e luajtura në Australian Open, Nole nuk është mposhtur asnjëherë, pra ka 7 Australian Open të fituar në karrierë (2008, 2011, 2012, 2013, 2015, 2016 dhe 2019), kurse Nadal në karrierën e tij këtë turne e ka fituar vetëm një herë (2009).

Sa i përket Grand Slameve në përgjithësi, ky ishte Grand Slami i 15 në karrierë për Djokovic (7 Australian Open, 4 Wimbledon, 3 US Open, 1 French Open), i cili e kalon tashmë legjendën Pete Sampas që ka 14 (7 Wimbledon, 5 US Open, 2 Australian Open), kurse Nadal mbetet me 17 (11 French Open, 3 US Open, 2 Wimbledon, 1 Australian Open).

Me fitoren e arritur sot, Djokovic ka shtuar në llogarinë e tij edhe 2.9 milionë dollarë amerikanë, kurse Rafa Nadal edhe 1.45 milionë.