RAHOVECI - VËLLAZNIMI
Rahoveci fiton dramën në fund
16 January, 2021 @17:10
Lideri i Superligës, Rahoveci, e mposhti Vëllaznimin me rezultat 73-67.
Rezultati ishte i ngushtë në minutat e fundit të ndeshjes, por Rahoveci ishte skuadra më e kujdesshme, duke shfrytëzuar gabimet e Vëllaznimit në fund e mposhti kundërshtarin.
Marvin Jones me 24 pikë e 6 kërcime ishte më i dalluari te vreshtarët, derisa u ndihmua edhe nga Isaiah Traylor me 22 pikë e 5 kërcime.
Te Vëllaznimi u veçuan Christopher Hortman me 17 pikë, 8 kërcime e 6 asistime dhe Cedric Council me double-double prej 16 pikëve e 11 kërcimeve.
Rahoveci me 12 fitore e 3 humbje gjendet në krye të Superligës, kurse Vëllaznimi me 4 fitore e 11 në pozitën e gjashtë.
