Real Madrid deklason Barcelonën

Kampioni i Euroleagues, Real Madrid, ka deklasuar Barcelonën në kryendeshjen e xhiros së dymbëdhjetë të Euroligës me rezultat 92-65.

Në këtë El Clasico, basketbollistët e Pablo Lasos ishin të saktë dhe me aksionet e suksesshme, mbretërit arritën që të sigurojnë fitoren.

Çereku i dytë bëri dallimin e madh në ndeshje. Pas çerekut të parë 22-17, në të dytin madrilenët u ndezën për 31-13, që çoi në përfundim të pjesë lojës me 53-30.

E pas kësaj kthimi i Barcelonës së Svetislav Pesicit ishte i vështirë dhe në fund doli i paaritshëm, pasi që mbretërit menaxhuan mirë lojën e tyre dhe nuk lejuan rast për rivalët e tyre të mëdhenjë.

Trey Thompkins me 17 pikë dhe Anthony Randolph me 16 pikë shkëlqyen te Reali, kurse te Barça i vetmi që ishte në natën e tij ishte Thomas Heurtel me 16 pikë.

TABELA AKTUALE

Reali vazhdon të ndjek Fenerbahçen si përcjellësi i parë me bilanc 10-2, derisa Barcelona tash ka bilanc 6-6.

Kjo ishte El Clasico e parë në këtë edicion në Euroleague, ndërsa e dyta do të zhvillohet më 1 mars 2019 në Palau Blaugrana.