FENERBAHÇE - ARMANI MILANO
Foto: euroleague.net
Fenerbahçe rreshton fitoret
13 December, 2018 @21:37
Nënkampioni i Euroleagues, Fenerbahçe, arriti fitoren e tetë rresht duke e mposhtur kampionin italian Armani Milano me rezultat 92-85.
Deri kah fillimi i çerekut të tretë ndeshja ishte barabartë, por baskebtollistët e Obradovicit në çerekun e tretë ishin më konkret në aksionet e tyre duke i shënuar 27 pikë, për dallim nga mysafirët të cilët shënuan 18 pikë, që krijoi dallim të mjaftueshëm për të shkuar drejt fitores së radhës.
Marko Guduric me 20 pikë dhe Jan Vesely me 17 pikë ishin më të mirët tek vendasit. Te italianët, Mike James ishte më efikasi me 31 pikë.
Kjo ishte fitorja e 11 për Fenerin, derisa ka vetëm një humbje. E Armani Milano tash ka bilans 6-6.
