Teuta përjetoi humbjen e parë

Skuadra e Teutës së Durrësit ka përjetuar humbjen e parë në BIBL këtë stinor, pasi që të martën mbrëma u mposht në Ramazan Njala me 9 pikë diferencë nga Blokotehna maqedonase.

Ekipi i durrësakëve u mbajt vetëm në pjesë të parë, 30-28, kurse në pjesë të dytë ra aq sa për tu mposhtur, 61-70 në fund.

Ndeshja që u referua nga treshja kosovare: Daut Mehmeti, Xhelal Mumini dhe Dardan Maxhuni ishte e katërta për ekipin e Teutës këtë stinor në BIBL që tash ka bilanc 3-1.

TABELA AKTUALE

C J Wilson me 23 dhe Endrit Hysenagolli me 13 pikë ishin më të dalluarit te ekipi i Teutës.

Në përballjen tjetër të mesjavës në BIBL, Akademik Bultex mposhti Kozuvin 88-57, për të bërë bilancin 3-3 pas 6 ndeshjeve të zhvilluara.

Në mesjavën që vjen, Bashkimi është mysafir i Blokotehnës, ndërsa Teuta do të luajë dy ndeshje në Bullgari, ndaj Akademikut dhe Beroes.