KUALIFIKIMET PËR EUROPIAN
Serbia mposht Kosovën
17 April, 2015 @19:35
Serbia ka mposhtur Kosovën në kualifikime për europianin e sivjetëm U-19 të hendbollit femror.
Vajzat tona, ashtu edhe siç është pritur në debutimin ndërkombëtar nuk kanë arritur t’i bëjnë ballë Serbisë, që është forcë botërore në këtë sport.
Mina Petrovic me 8 gola ka qenë më efikasja te reprezentacioni serb, që ka mposhtur Kosovën me rezultat 40-12.
Elma Kameri ka qenë golashënuesja më e mirë e Kosovës, me 6 gola të shënuara, derisa Fjolla Çerkini shtoi 5 të tjera, krahas një tjetër që shënoi Bjondina Ramabaja.
Pas kësaj ndeshjeje Kosova nesër dhe pasnesër do të luaj ndaj Sllovakisë dhe Rumanisë për të kompletuar aventurën kualifikuese, duke ditur se përballet me skuadra shumë më me përvojë.
