SERENA vs LUCIC-BARONI
Serena Williams 2-0 ndaj Mirjana Lucic-Baronit, për finalen e madhe ndaj motrës së madhe.
Serena Express
26 January, 2017 @8:33
Vetëm 50 minuta lojë i janë dashur bartëses së dytë të turneut në Australian Open 2017, Serena Williams, për të arritur finalen e garës në duelin gjysmëfinal ndaj kroates Mirjana Lucic-Baroni.
Serena Williams ka siguruar finalen e Australian Open pas një viti pauzë, ndërsa sa i përket totalit, ajo do të paraqitet aty për herë të shtatë.
Në finale, Serena 35 vjeçare do të takohet me motrën e saj të madhe, Venus, 36 vjeçe. Motrat Williams janë takuar në finale të Australian Open edhe njëherë, 14 vite më parë. Thjesht fantastike! Duel i motrave që lanë shenjë në tenisin modern, ritakohen në finalen e turneut më të nxehtë të vitit, në moshë të shtyer për sportistë të shumtë, jo edhe për të përkushtuarat si ato.
