GRUPI A: SLLOVENIA - FRANCA
Foto; fiba.com
Sllovenia perfekte, e mbyll si lidere e grupit
6 September, 2017 @16:19
5 fitore në 5 ndeshje!
Kështu e kaloi fazën grupore përfaqësuesja e Sllovenisë, e cila e udhëhequr nga Goran Dragic duket se nuk ka të ndalur.
Sllovenët sot e fituan me rezultat 95-78 takimin ndaj përfaqësueses së Francës, për ta mbyllur kështu fazën grupore në vendin e parë të Grupit A.
GRUPET DHE ORARI - EUROBASKET 2017
Goran Dragic takimin e mbylli me 22 pikë të shënuara, kurse në anën tjetër u veçua Nando De Colo me 16 pikë.
Duke parë renditjen në grupet tjera, tashmë është e konfirmuar që në raundin e 16 më të mirëve Franca do të takohet me Gjermaninë, kurse duelet tjera përcaktohen pas ndeshjeve që luhen sot e nesër.
Sa i përket Grupit A, Sllovenia, Finlanda e Franca tashmë janë të kualifikuara, kurse ‘biletën’ e fundit e merr fituesja e duelit Poloni-Greqi, duel i cili zhvillohet sot me fillim nga ora 16:30.
