BASHKIMI - TREPÇA
Thyhet akulli, Trepça triumfon ndaj Bashkimit
5 February, 2022 @21:20
Një super ndeshje në mes të Bashkimit dhe Trepçës, përfundoi me fitoren e skuadrës mitrovicase.
Trepça e mposhti Bashkimin me rezultat 57-63, falë performancë në çerekun e fundit.
Bashkimi në dy çerekët e parë e kishte epërsinë, derisa Trepça u rikthye në çerekun e tretë, kurse në çerekun e fundit skuadra mitrovicase e kontrolloi ndeshjen dhe arriti fitoren.
Drilon Hajrizi shkëlqeu me double-double prej 21 pikëve e 10 kërcimeve te Trepça, kurse Ty Cockfield me 0 pikë, për herë të parë prej që u transferua te Trepça e përfundoi një ndeshje pa pikë.
Te Bashkimi më i miri ishte i rikthyeri Corey Ross me 18 pikë, derisa u dallua edhe John Florveus me 15 pikë e 14 kërcimeve.
Trepça në këtë sezon për herë të parë e mposhti Bashkimin, pas 2 humbje.
Skuadra mitrovicase me 13 fitore e 6 humbje e me një ndeshje më shumë ngritet së paku deri nesër në krye të tabelës, kurse Bashkimi me 8 fitore e 11 humbje gjendet në pozitën e gjashtë.
