BOREA - VUSHTRRIA
Nxehet lufta për Play Off në Ligën e Parë
4 February, 2022 @20:59
Ndeshja e fundit e xhiros së 12 në Ligën e Parë, ka përfunduar me fitoren e Boreas kundër Vushtrrisë.
Borea e mposhti kundërshtarin me rezultat 75-67.
Rezultati ishte i ngushtë deri në çerekun e fundit, kurse Borea ishte skuadra që gaboi më pak në fund dhe arriti një fitore me vlerë të madhë për të shpresuar në Play Off.
Sokol Nila shkëlqeu me 29 pikë te Borea, derisa u dallua edhe Olsi Kurtaj me 16 të tjera.
Te Vushtrria Engjëll Ramaj dhe Erlind Uka luajtën me nga 18 pikë secili, por nuk mjaftuan për fitore.
Që të dyja skuadrat i kanë nga 7 fitore e 5 humbje derisa më tani.
Në xhiron tjetër Borea takohet me një tjetër skuadër të TOP 4-shes, Istogun, kurse Vushtrria e pret AS Prishtinën.