PRISHTINA E RE - ISTOGU
Prishtina e Re ngritet, triumfon edhe ndaj Istogut
4 February, 2022 @10:18
Prishtina e Re ka nisur furishëm pjesën e dytë të stinorit në Ligën e Parë.
Skuadra prishtinase në çdo çerek e kishte epërsinë ndaj Istogut, për ta mposhtur kundërshtarin në fund me rezultat 87-80.
Dion Haxhosaj me 24 pikë e 24 kërcime ishte më i miri te Prishtina e Re, derisa u ndihmua edhe nga Mërgim Jakupi me 27 pikë, Arbër Sinani me 19 pikë dhe Don Polloshka me 16 pikë, 10 asistime e 8 kërcime.
Te Istogu Sam Taylor shkëlqeu me triple-double prej 30 pikëve, 12 asistimeve e 10 kërcimeve, por nuk mjaftoi për fitore.
Prishtina e Re me këtë fitore ngritet në pozitën e dytë me 8 fitore e 4 humbje, kurse Istogu me 7 fitore e 5 humbje gjendet në pozitën e tretë në Ligën e Parë.
Në xhiron tjetër Prishtina e Re takohet me liderin, Vëllaznimi, kurse Istogu e pret Borean.