ENDRIT HYSENAGOLLI
BOROZANI/ A. P.
Treguan karakter fitues
25 January, 2018 @12:45
Qendra e Tiranës, Endrit Hysenagolli, në deklaratën e tij pas ndeshjes së humbur ndaj Bashkimit mbrëmë ka thënë se ish-ekipi i tij ka treguar karakter fitues në ndeshje dhe kjo ka qenë njëra ndër arsyet e fitores së tyre.
“Ka qenë ndeshje e hapur deri në fund. Bashkimi tregoi karakter fitues dhe kjo ka qenë arsyeja e fitores. Unë dëshiroj t’i uroj ish-ekipit tim fitoren dhe shpresoj që bashkë me ekipin e tashëm, të shkojmë në raundin tjetër të garës,” ka thënë Hysenagolli, shkruan faqja zyrtare e ligës ballkanike sot.
Përndryshe, Hysenagolli ka përfundar ndeshjen e mbrëmshme me double-double prej 26 pikëve dhe 13 kërcimeve.
Tirana me humbje ndaj Bashkimit mbrëmë, ka bilancin aktual 2-6. Gjasat për t’u kualifikuar tutje ende ekzistojnë për bardhekaltërit, derisa në ndeshjen e radhës presin Akademik Bultexin në Feti Borova të Tiranës.
