BBC: Arteta duhet të reflektojë!

Reputacion po, besim po, rezultate deri tash po. Mirëpo, si duket gjithçka këtë stinor po i ikën nga kontrolli Mikel Artetës së Arsenalit. E fundit erdhi pas eliminimit nga raundi i tretë i FA Cup ndaj Manchester Untidit pas penalltive.

Edhe pse eliminimi erdhi nga gjuajtjet nga pika e bardhë, deklarata e Artetës se si ekipi i tij pabesueshëm nuk arriti të fitojë ndeshjen që dominoi, mbetet më shumë theksues për vetë atë.

Arsenal kishte 23 shuta, me vetëm tre në kornizë të portës ndaj Newcastle Unitedit, kurse 26 të tilla dje ndaj Manchester Unitedit, me shtatë në kornizë brenda 120 minutave lojë. Prej tyre, 26 përqind ishin nga zona e rrezikshme. Dhe prej gjithë këtyre mundësive, goli i vetëm erdhi nga mbrojtësi Gabriel, goditja e të cilit u devjiua për të përfunduar në portë të kundërshtarit!

Trajneri spanjoll i Arsenalit nuk shfrytëzoi verën për të bërë një transfer të rëndësishëm në sulm të ekipit, ndërsa as të përfolurit Benjamin Sesko i Leipzigut e Viktor Gyokeres i Sportingut, nuk u blenë. Mundësia ekziston ende, por a do të veprojnë është pyetja.

Duke parë potencialin dhe mundësitë, Arsenal do të mund të bëj një ofanzivë edhe te sulmuesit e gatshëm të dëshmuar si Alexander Isak i Newcastle Unitedit, Victor Osimhen i Napolit që është si huazim te Galatasaray por edhe i riu i Ipswichit Rory Delap. Afati kalimtar i janarit është ende i hapur dhe Arteta duhet të reagojë, së paku për të çuar stinorin dramatik deri në fund, nëse nuk dëshiron që shpresat për ndonjë trofe t’i humbë që tani.