David Moyes rikthehet në Everton

“Më vjen mirë që u riktheva”, ka thënë David Moyes, pasi që u emërua trajner i Evertonit për herë të dytë në karrierë të tij. Skocezi 61-vjeçar ka nënshkruar kontratë me afat 2.5 vjeçare me ekipin nga “Goodison Park” pasi që ditë më parë ata shkarkuan Sean Dyche-in.

Evertoni është i 16-ti në Premier Ligë, me një pikë më shumë sesa ekipet që janë në zonë të rënies së tabelës, ndërsa ka vetëm tri fitore këtë stinor nga 19 ndeshje të zhvilluara.

“Kam kaluar 11 vite të mrekullueshme dhe të suksesshme në Everton dhe nuk kam hezituar aspak, kur mu dha mundësia për t’iu ribashkuar këtij ekipi të madh,” ka thënë Moyes.

Skocezi ka qenë timonier i të kaltërve të qytetit të Liverpoolit prej vitit 2002 deri në vitin 2013 para se të kalonte në Manchester United, Real Sociedad, Sunderland dhe dy periudha në West Ham United. Moyes ka qenë i pa punë prej se u nda nga West Ham Unitedi, me të cilët fitoi Ligën e Konferencës në vitin 2023.